Күзгү кросс
2025-жылдын 26-ноябрында шаардык деңгээлде өткөрүлгөн күзгү кросс жарышында Инновациялык технологиялар жана энергетика институтунун ИЭЭ–1–22 тайпасынын 4-курсунун студенти Артыкбаев Мунарбек мыкты жыйынтык көрсөтүп, жемиштүү 3-орунду камсыздады.
Бул жетишкендик — жаштардын сергек жашоо образын карманууга умтулуусу менен катар, спорт аркылуу чыдамкайлыкты, эркти жана жеңишке болгон аракетти да даңазалайт. Иш-чаранын максаты — жаштарды спортко тартуу, дене тарбияны өнүктүрүү жана сергек жашоо образын жайылтуу болуп саналат.
Мунарбекти бул зор ийгилиги менен чын жүрөктөн куттуктайбыз! Алдыдагы мелдештерде дагы бийик ийгиликтерди, бекем ден соолук жана жаңы жеңиштерди каалайбыз!
